Batumelebi | “სოლიდარობა ნიკა მელიას” – ქართველი ემიგრანტების საპროტესტო აქცია ჰამბურგში “სოლიდარობა ნიკა მელიას” – ქართველი ემიგრანტების საპროტესტო აქცია ჰამბურგში – Batumelebi
RU | GE  

“სოლიდარობა ნიკა მელიას” – ქართველი ემიგრანტების საპროტესტო აქცია ჰამბურგში

ემიგრანტთა ორგანიზაციამ #ერთადსახლში ჰამბურგში საპროტესტო აქცია გამართა.

ამ აქციით ჰამბურგში მცხოვრებ ემიგრანტთა ნაწილი შეუერთდა საქართველოში და ევროპის სხვადასხვა ქალაქში მიმდინარე საპროტესტო აქციებს. მათ უპირობო სოლიდარობა გამოუცხადეს ნიკა მელიას, სამოქალაქო აქტივისტებს და სრულიად პროდასავლურ ოპოზიციას.

„კატეგორიულად ვგმობთ და ვაპროტესტებთ: საქართველოში მიმდინარე პოლიტიკურ რეპრესიებს, ქართული ოცნების უპასუხისმგებლო, სიძულვილის გამღვივებელ რიტორიკას, პოლიტიკას და არჩევნების გაყალბებას, ოპოზიციის ლიდერის ნიკა მელიას არაადამიანური მეთოდებით გატაცება-დაპატიმრებას, ოპოზიციონერების მიმართ ჯანმრთელობისათვის დამაზიანებელი გაზისა დახურულ სივრცეში გაშვებას, აგრეთვე სხვადასხვა ბრუტალური მეთოდის გამოყენებას, ოფისისა და აქტივისტების დარბევას,“ – ნათქვამია აქციის ორგანიზატორთა მიერ გავრცელებულ განცხადებაში.

ჰამბურგში მცხოვრები აქტივისტები ითხოვენ ვადამდელი და სამართლიანი არჩევნების დანიშვნას, ასევე ნიკა მელიას და სხვა პოლიტპატიმრების განთავისუფლებას.

საპროტესტო აქცია ჰამბურგში

ჰამბურგში მოქმედი ემიგრანტთა ორგანიზაცია ერთ-ერთი ის ორგანიზაციაა, რომელიც მუდმივად მართავს აქციებს და ამ ფორმით ეხმაურება საქართველოში მიმდინარე მოვლენებს.

ნეტგაზეთის მასალების სხვა გამოცემებში გადაბეჭდვის წესი
ავტორი