Batumelebi | სასამართლომ დაადგინა, რომ 3 სოცმუშაკი სამსახურიდან უკანონოდ გაათავისუფლეს სასამართლომ დაადგინა, რომ 3 სოცმუშაკი სამსახურიდან უკანონოდ გაათავისუფლეს – Batumelebi
RU | GE  

სასამართლომ დაადგინა, რომ 3 სოცმუშაკი სამსახურიდან უკანონოდ გაათავისუფლეს

სამტრედიის რაიონულმა სასამართლომ გაფიცვების შემდეგ გათავისუფლებული სამი სოცმუშაკი სამსახურში დააბრუნა. ადამიანის უფლებების სწავლების და მონიტორინგის ცენტრის – EMC-ის ინფორმაციით, სასამართლომ განაცდურის სრულად ანაზღაურების მოთხოვნაც დააკმაყოფილა.

33 სოცმუშაკი გაფიცვების შემდეგ 2019 წლის 11 დეკემბერს გაათავისუფლეს რეორგანიზაციის შედეგად.

ეს არაა პირველი შემთხვევა, როცა სასამართლომ  მიიჩნია, რომ სოცმუშაკები სამსახურიდან უკანონოდ გაათავისუფლეს და მათ დაბრუნებაზე გადაწყვეტილება მიიღო. გასული წლის  ნოემბერში სოცმუშაკმა თბილისის საქალაქო სასამართლოშიც მოიგო დავა. სასამართლო დავას სოცმუშაკები ჯერ კიდევ აგრძელებენ.

სამსახურიდან გათავისუფლებულების ინტერესებს EMC იცავს.

თითქმის ერთი წლის წინ სოცმუშაკები გაიფიცნენ და სამუშაო პირობების გაუმჯობესება მოითხოვეს. მათი მოთხოვნების სრული უმრავლესობა მთავრობამ არ გაითვალისწინა.

გაფიცვების პარალელურად ჯანდაცვის სამინისტრომ სოციალური მომსახურების სააგენტოდან სოცმუშაკები გადაიყვანა ახალშექმნილ „სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოში“.

ნეტგაზეთის მასალების სხვა გამოცემებში გადაბეჭდვის წესი
ავტორი