მთავარი,სიახლეები

რკინიგზა მატარებლების მოძრაობის ახალ განრიგს აქვეყნებს

25.02.2021 • 2017
რკინიგზა მატარებლების მოძრაობის ახალ განრიგს აქვეყნებს

საქართველოს რკინიგზა მატარებლების განახლებულ განრიგს აქვეყნებს.

საქალაქთაშორისო ტრანსპორტის, მათ შორის, მატარებლების მიმოსვლა საქართველოში სამი თვის წინ შეწყდა. ხანგრძლივი პაუზის შემდეგ მატარებლები მაგისტრალურ მიმართულებებზე მოძრაობას 27 თებერვლიდან დაიწყებენ. ბილეთების გაყიდვა ონლაინ დღეს, 25 თებერვლიდან დაიწყება, ხოლო რკინიგზის სალაროები 26 თებერვლიდან გაიხსნება.

მგზავრების გადაყვანა განახლდება შემდეგ რეისებზე:

  • თბილისი-ბათუმი-თბილისი
  • თბილისი-ზუგდიდი-თბილისი
  • თბილისი-ოზურგეთი-თბილისი
  • თბილისი-ფოთი-თბილისი
  • თბილისი-ქუთაისი-თბილისი

საქართველოს რკინიგზის ინფორმაციით საგარეუბნო მატარებლების მიმოსვლა ჯერ ისევ არ აღდგება, რადგან ახალი სარკინიგზო რეგულაციების დაკმაყოფილება ასეთ მატარებლებზე შეუძლებელია და შესაბამისად საკმაოდ მაღალია კოვიდ 19-ის გავრცელების რისკი.

კოვიდ 19-თან დაკავშირებული რეკომენდაციების მიხედვით:

  • გამცილებლები მგზავრებს ვაგონის შესასვლელებში ჩაუტარებენ თერმოსკრინინგს
  • მატარებელში შესვლისთანავე კი მათ უნდა გაიარონ დეზობარიერი და ხელები დაიმუშაონ სადეზინფექციო ხსნარით
  • ხელის დისპენსერები ყველა ვაგონში იქნება დამონტაჟებული

საქართველოს რკინიგზის ცნობით, მნიშვნელოვანია მგზავრებმა წინასწარ იცოდნენ, რომ ვირუსისთვის დამახასიათებელი სიმპტომების არსებობის შემთხვევაში არ უნდა გამოცხადდნენ გასამგზავრებლად.

პირბადის გარეშე მგზავრები არ დაიშვებიან და მგზავრობის პროცესში მათ არ აქვთ პირბადის მოხსნის უფლება.

გადაბეჭდვის წესი


ასევე: