მთავარი,რეკლამა,სიახლეები

როგორ უნდა მივხვდეთ, რომ უმაღლესი სასწავლებელი საინტერესო ცხოვრებას გვთავაზობს

24.02.2021 • 943
როგორ უნდა მივხვდეთ, რომ უმაღლესი სასწავლებელი საინტერესო ცხოვრებას გვთავაზობს

თუკი 18 წლის ხარ, ეს იმას ნიშნავს, რომ სულ მალე ძალიან მნიშვნელოვანი არჩევანის გაკეთება მოგიწევს: გარდა იმისა, რომ ერთიანი ეროვნული გამოცდებისთვის ემზადები, ასევე უნდა აირჩიო ის უმაღლესი სასწავლებლები, სადაც გსურს სწავლის გაგრძელება.

ალბათ უკვე ბევრი მოგიყვა თავგადასავლებით სავსე და დაუვიწყარი სტუდენტური წლების შესახებ, რომელთა  შთაბეჭდილებებიც მთელი ცხოვრება გაგყვება; შეიძენ განუყრელ მეგობრებს და საოცარ დროს გაატარებ მათთან ერთად.

თუმცა არავინ ამბობს, ვინ ზრუნავს რეალურად იმისთვის, რომ სტუდენტებმა არამხოლოდ კარგად ისწავლონ, არამედ – ნაყოფიერად და ხალისიანად გაატარონ მომდევნო 4 წელი.

როგორ უნდა გავიგოთ, თუ რას გვთავაზობს ჩვენ მიერ შერჩეული უმაღლესი სასწავლებელი?

პირველ რიგში, ეწვიე მათ ვებგვერდებს. თითოეული უმაღლესი სასწავლებელი ვებგვერდზე ათავსებს ინფორმაციას, თუ რა ტიპის კლუბები და გაერთიანებები ფუნქციონირებს მათთან.

შემდეგ კი აუცილებლად გადაამოწმე ეს ყველაფერი უმაღლესი სასწავლებლის ფეისბუქის გვერდზე. თუკი სპორტული და ხელოვნების კლუბები აქტიურად მუშაობენ, ამის ამსახველი ფოტო და ვიდეომასალა სოციალურ ქსელებში აუცილებლად იქნება განთავსებული. 

სპორტი

დაინტერესდი, სპორტის რა სახეობებში აქვთ კლუბები შენ მიერ შერჩეულ უმაღლეს სასწავლებელს. მაგალითად, კავკასიის საერთაშორისო უნივერსიტეტის კალათბურთის, ფუტსალისა და ფრენბურთის გუნდები საქართველოს ჩემპიონატებში წარმატებით ასპარეზობენ. გარდა ამისა, აქვე ფუნქციონირებს ავტოკლუბი, ბოულინგისა და ბილიარდის მოყვარულთა კლუბებიც.

აღსანიშნავია, რომ სპორტის სხვადასხვა სახეობაში სტუდენტებისთვის ხშირად იმართება შიდა თუ გარე ჩემპიონატები, რაც მათ სტუდენტურ ცხოვრებას კიდევ უფრო ხალისიანსა და მრაფალფეროვანს ხდის.

ხელოვნება და კულტურა

თუკი სპორტი არ გიტაცებს, მაშინ ხელოვნებისა და კულტურის მიმართულებით გაეცანი უმაღლესი სასწავლებლების შეთავაზებებს. CIU-ში ფუნქციონირებს სტუდენტური თეატრალური დასი, მუსიკალური ბენდი, ხალხური ანსამბლი და ხატვის სტუდია.

ამას გარდა, უნივერსიტეტი სტუდენტებს ინტელექტკლუბში თამაშსა და მხიარულთა და საზრიანთა კლუბში გაწევრიანებასაც სთავაზობს. ერთ-ერთი ყველაზე საინტერესო და შემეცნებითი შეთავაზება კი ექსპედიციებია, რომლებსაც უნივერსიტეტი ყოველწლიურად მართავს სტუდენტებისთვის.

რა ხდება მაშინ, თუკი უმაღლესი სასწავლებლის მიერ შემოთავაზებული არც ერთი სტუდენტური კლუბი არ მოგწონს? პასუხი მარტივია: CIU-ში გთავაზობენ, რომ დააფუძნო შენი ინტერესების შესაფერისი კლუბი, მოიწვიო თანამოაზრეები და უმაღლეს სასწავლებელს სახელი შენი მიმართულებითაც გაუთქვა. ამაში მთელი უნივერსიტეტი მოგეხმარება.

ასე რომ, თუ ხარ აბიტურიენტი, შემოხაზე 115, აირჩიე კავკასიის საერთაშორისო უნივერსიტეტი პირველ ან მეორე ნომრად და პირველი სემესტრიდანვე დასაჩუქრდი ლეპტოპითა და 100-ლარიანი სტიპენდიით!

უნივერსიტეტის სხვა მიმზიდველი შემოთავაზებების სანახავად კი ეწვიე ბმულს.

გადაბეჭდვის წესი


ასევე: