ბათუმის ბიუჯეტი 5 მილიონი ლარით შემცირდა, ეს თანხა ქონების გადასახადის საპროგნოზო მაჩვენებელს მოაკლდა, კლება პანდემიის პირობებში დაწესებულ შეღავათებს უკავშირდება. შესაბამისად შემოსავლების საპროგნოზო მოცულობა, რაც 151 მილიონით იყო განსაზღვრული, 145 მილიონ 992 ათას ლარამდე შემცირდა.
როგორც მერიის საფინანსო-საბიუჯეტო პოლიტიკის სამსახურის უფროსმა ედნარ ნატარიძემ განმარტა, ქონების გადასახადის სახით საპროგნოზო თანხა დაზუსტდა მოგვიანებით, 2021 წლის ბიუჯეტი დაამტკიცების შემდეგ: „მივიღეთ დაზუსტებული პროგნოზი საქართველოს ფინანსთა სამინისტროსგან და დაველოდეთ სხდომას, რომ ცვლილების დამტკიცება მოგვეთხოვა,“ – განმარტა ედნარ ნატარიძემ.
გარდა ამისა, ცვლილების მიხედვით, ბათუმის 2021 წლის ბიუჯეტის გადასახდელები იზრდება 6 მილიონ 992 ათას 900 ლარით, ეს არის რიგი ღონისძიებების დაფინანსების თანხა, რომლებიც კონკრეტული დოკუმენტების ჩაუბარებლობის გამო მერიამ დაქირავებულ კომპანიებს ვერ ჩაურიცხა, შესაბამისად, ის ბიუჯეტში ნაშთის სახით აისახა.
მცირე ცვლილებების გარდა ბიუჯეტიდან საერთოდ ამოღებულია ლორიასა და ტბელ აბუსერისძის ქუჩების კვეთაში არსებული სკვერის კეთილმოწყობის სამუშაოების დაფინანსება, მერიის ინფორმაციით, სკვერს კერძო სამშენებლო კომპანია მოაწყობს აღებული ვალდებულების ფარგლებში.
2021 წლის ბიუჯეტიდან თითქმის სრულად ამოღებულია კულტურული ღონისძიებების დაფინანსება.
დღეს, 26 თებერვალს, საკრებულოს სხდომაზე დაამტკიცეს ასევე მიწის ნორმატიული ფასები 2021 წლისთვის. განკარგულების მიხედვით წელს ფასები არც ერთ ზონაში არ იცვლება:
გასაყიდი მიწები აჭარის სანაპიროზე, სადაც შესაძლოა სასტუმროები აშენდეს
