Batumelebi | ბელორუს ჟურნალისტებს 2 წელი მიუსაჯეს აქციის პირდაპირ ეთერში გაშუქებისთვის ბელორუს ჟურნალისტებს 2 წელი მიუსაჯეს აქციის პირდაპირ ეთერში გაშუქებისთვის – Batumelebi
RU | GE  

ბელორუს ჟურნალისტებს 2 წელი მიუსაჯეს აქციის პირდაპირ ეთერში გაშუქებისთვის

მინსკის სასამართლომ ორი წელი, სასჯელის კოლონიაში მოხდით, მიუსაჯა ჟურნალისტებს საპროტესტო აქციიდან პირდაპირი ეთერის გაშვებისთვის, თუმცა ოფიციალური ბრალდება საზოგადოებრივი წესრიგის დარღვევის ორგანიზება და მასში მონაწილეობა იყო.

პოლონური არხის ჟურნალისტები, 27 წლის ეკატერინა ანდრეევა და 23 წლის დარია ჩულცოვა ნოემბერში დააკავეს, როცა ისინი პირდაპირ ეთერში აშუქებდნენ საპროტესტო აქციას, სადაც მოქალაქეები ბელორუსში მიმდინარე საპროტესტო აქციების მონაწილის, რომან ბონდარენკოს დაღუპვას აპროტესტებდნენ. ბონდარენკო გარდაიცვალა მას შემდეგ, რაც ის სასტიკად სცემეს პირებმა სამოქალაქო ტანსაცმელში.

დაკავებული ჟურნალისტები კატეგორიულად უარყოფენ ბრალდებას. უფლებადამცველები ორივე ჟურნალისტს პოლიტპატიმრებად მიიჩნევენ.

ბელორუსის ჟურნალისტთა ასოციაცია მიიჩნევს, რომ განაჩენი არის ანგარიშსწორება ჟურნალისტების მიმართ და გზავნილი – „გააშუქებთ აქციებს – წახვალთ ორი წლით კოლონიაში“.

„ჟურნალისტებს არაფერი დაუშავებიათ და ეს დამტკიცდა სასამართლოშიც, ხელისუფლებამ უბრალოდ შურისძიება გადაწყვიტა მათზე აქციის გაშუქებისთვის“, – განაცხადა ჟურნალისტთა ასოციაციის პრესმდივანმა, ბორის გორეცკიმ.

_______________

ფოტო: „დოიჩე ველე“ 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com