ნეტგაზეთი • RU

ავტომანქანა ზღვაში გადავარდა, არის მსხვერპლი

წუხელ, დაახლოებით ღამის სამ საათზე, ბათუმის ნავსადგურში, ერთ-ერთი ნავმისადგომიდან ავტომანქანა ზღვაში გადავარდა. დაიღუპა მანქანის მძღოლი, რომელიც 47 წლის იყო.

არაოფიციალური ინფორმაციით, მამაკაცმა განზრახ გადააგდო მანქანა ზღვაში, მანამდე კი საკუთარ ოჯახში დარეკა და მათ აცნობა, რომ თვითმკვლელობას აპირებდა. თუმცა, შს სამინისტროს პრესცენტრში აცხადებენ, რომ ამ საკითხს გამოძიება დაადგენს.

სამაშველო სამსახურმა ზღვაში გადავარდნილი მსუბუქი ავტომანქანა უკვე ამოიღო. 1968 წელს დაბადებული მამაკაცის ცხედარი პროზექტურაშია გადასვენებული.

შინაგან საქმეთა სამინისტროს პრესსამსახურის ინფორმაციით, საქმე აღძრულია სს კოდექსის 115-ე მუხლით და მიმდინარეობს გამოძიება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.