Batumelebi | ბათუმში კოვიდის ახალი შემთხვევა სკოლებში არ გამოვლენილა – 1 კვირა სწავლის განახლებიდან ბათუმში კოვიდის ახალი შემთხვევა სკოლებში არ გამოვლენილა – 1 კვირა სწავლის განახლებიდან – Batumelebi
RU | GE  

ბათუმში კოვიდის ახალი შემთხვევა სკოლებში არ გამოვლენილა – 1 კვირა სწავლის განახლებიდან

ბათუმის რესურსცენტრის ინფორმაციით, ბოლო ერთი კვირის განმავლობაში ბათუმის სკოლებში კორონავირუსის ახალი შემთხვევა არ გამოვლენილა.

შეგახსენებთ, რომ გასულ კვირას ბათუმში კორონავირუსი დაუდასტურდა ერთ მოსწავლეს და ერთ მასწავლებელს. მოსწავლე საჯარო სკოლაში სწავლობს, პედაგოგი კი კერძო სკოლაში ასწავლის.

როგორც ბათუმის რესურსცენტრში „ბათუმელებს“ უთხრეს, ინფიცირებული პედაგოგის და მოსწავლის კონტაქტები შესწავლილია, თუმცა მათ ამ დროისთვის კორონავირუსის სიმპტომები არ გამოვლენიათ.

„მასწავლებელი და მოსწავლე იმყოფებიან იზოლაციაში, თვითიზოლაციაში არიან მათთან კონტაქტში მყოფი პირებიც,“ – გვითხრა ბათუმის რესურსცენტრის უფროსმა გოჩა დავითაძემ.

მისი თქმით, ინფიცირებულთან კონტაქტში მყოფ პირებს PCR არ ჩატარებიათ.

აჭარაში სკოლის შენობებში სასწავლო პროცესი გასული წლის მარტში შეწყდა და მხოლოდ წელს, პირველ თებერვალს განახლდა. განათლების სამინისტროს ინფორმაციით, მშობლებს, ვისაც სურვილი აქვთ, რომ დისტანციური სწავლების ფორმატში გააგრძელონ თავიანთმა შვილებმა სასწავლო პროცესი, განცხადებით უნდა მიმართონ განათლების მართვის საინფორმაციო სისტემას.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com