Batumelebi | აჭარის ჯანდაცვის სამინისტროს 2016 წლის პროგრამები აჭარის ჯანდაცვის სამინისტროს 2016 წლის პროგრამები – Batumelebi

აჭარის ჯანდაცვის სამინისტროს 2016 წლის პროგრამები

პირველი იანვრიდან ამოქმედდა აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს 2016 წლის პროგრამები. წელს სამინისტრო 7 პროგრამას, 23 ქვეპროგრამას განახორცილებს. სამინისტროს 2016 წლის პროგრამული ბიუჯეტი 11 306 170 ლარს შეადგენს. 2015 წელთან შედარებით უწყების ფინანსური დოკუმენტი 5 191 142 ლარით გაიზარდა და საერთო ჯამში შეადგენს 14 057 940 ლარს.

ნაზარდი ჯამიდან 1 539 000 ლარი დაემატა ჯანმრთელობის დაცვის პროგრამებს, 172 000 ლარით გაიზარდა სოციალური დაცვის პროგრამების დაფინანსება. 198 000 ლარით გაიზარდა დასაქმების სააგენტოს, 231 000 ლარით საზოგადოებრივი ჯანდაცვის ცენტრის დაფინანსებები.

ცალკე პროგრამად გამოიყო ონკოლოგიურ პაციენტთა ძვირადღირებული სამედიცინო მომსახურება, დაიწყება საყოველთაო ჯანმრთელობის დაცვის სახელმწიფო პროგრამით დაფინანსებული სამედიცინო მომსახურების თანაგადახდა მკვეთარდ გამოხატული შშ სტატუსის მქონე პირების, შშ სტატუსის მქონე ბავშვების; ასკით პენსიონერების და 0-დან 6 წლამდე ასკის ბავშვებისათვის (რომელთა სარეიტინგო ქულა შეადგენს 200 000-ს), სამინისტრო წელს პირველად 10 000 ლარის ოდენობით დააფინანსებს ღვიძლის ტრანსპლანტაციის ოპერაციას.

ამოქმედდა ბავშვთა ადრეულ განვითარების ახალი პროგრამა, ინდივიდუალური სამედიცინო დახმარების პროგრამას ბენეფიციარებად დაემატა ტრეფიკინგისა და ძალადობის მსხვერპლი ქალები და მარტოხელა მშობლები, 3 მილიონი ლარი გამოიყო ეკომიგრანტი ოჯახებისათვის საცხოვრებელი ფართების შესაძენად, დაგეგმილია 115 საცხოვრებელი სახლის შეძენა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com