ბათუმის მერიის ცნობით, ბათუმში, საზოგადოებრივ ტრანსპორტში, ქალაქის მუნიციპალურმა ინსპექციამ მონიტორინგი დაიწყო.
მუნიციპალურ ავტობუსებში მოწმდება როგორც პირბადის სწორად გამოყენება, ასევე უბილეთოდ მგზავრობა.
მიკროავტობუსებში მძღოლები ფეხზემდგომი მგზავრების გადაყვანისთვისაც დაჯარიმდებიან.
პირბადის გარეშე გადაადგილებისთვის მგზავრი 20 ლარით ჯარიმდება, ხოლო მგზავრის ფეხზედგომით გადაყვანისთვის ჯარიმა 100 ლარია.
ბათუმში სამარშრუტო მიკროავტობუსები საღამოს 8 საათამდე მუშაობენ, მუნიციპალური ტრანსპორტი კი – დილის 7-დან საღამოს ცხრა საათამდე.
შაბათ-კვირას საზოგადოებრივი ტრანსპორტი არ იმუშავებს.
____________
ფოტო: ბათუმის მერია
