მთავარი,სიახლეები

ბათუმში ხვალიდან უნალექო ამინდია მოსალოდნელი | ამინდის პროგნოზი

21.01.2021 • 1150
ბათუმში ხვალიდან უნალექო ამინდია მოსალოდნელი | ამინდის პროგნოზი

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ცნობით, დღეს, საღამოს, ბათუმში და აჭარის ტერიტორიაზე გამოიდარებს.

21 იანვრის 21 საათიდან 22 იანვრის 21 საათამდე  აჭარაში  მოსალოდნელია ცვალებადი მოღრუბლულობა, უმეტესად – უნალექოდ.

მთაში მოსალოდნელია ზვავსაშიშროება.

იქროლებს ცვალებადი მიმართულების  ქარი 10-15 მეტრი წამში.

ხვალ, 21 იანვარს, დღის მეორე ნახევრიდან გამოიდარებს და ძირითადად უნალექო ამინდი შენარჩუნდება.

ჰაერის ტემპერატურა სანაპირო რაიონებში იქნება:

  • დღისით: 5 – 10 გრადუსი სითბო
  • ღამით: 3 გრადუსი ყინვა – 3 გრადუსი სითბო

მთიან მუნიციპალიტეტებში მოსალოდნელია:

  • დღისით: 2 გრადუსი ყინვა – 3 გრადუსი სითბო
  • ღამით: 6 – 11 გრადუსი ყინვა

სინოპტიკოსების ცნობით, მომდევნო ორ დღეს, 23-24 იანვარს, მოსალოდნელია უნალექო ამინდი.

გარემოს ეროვნული სააგენტოს ვებგვერდის მონაცემებით, უახლოეს დღეებში ბათუმში ჰაერის ტემპერატურა შესამჩნევად მოიმატებს და +15 გრადუსს მიაღწევს.

____________

ფოტო: „ბათუმელები“

გადაბეჭდვის წესი


ასევე: