სინოპტიკოსების ცნობით, ბათუმში თოვლ-ჭყაპი თითქმის სამ დღეს გასტანს.
უფრო დეტალურად, გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის მიერ მოწოდებული ამინდის პროგნოზი ასეთია:
დღეს, 19 იანვრის 21 საათიდან, ხვალ, 20 იანვრის 21 საათამდე, აჭარაში მოსალოდნელია ღრუბლიანი ამინდი, სანაპირო რაიონებში ნალექი, უმეტესად თოვლის სახით.
მთიან აჭარაში მოსალოდნელია თოვა,ზოგან ძლიერი, მაღალ მთაში – ქარბუქი და ზვავსაშიშროება.
იქროლებს ჩრდილო-დასავლეთის მიმართულების ქარი 10-15 მეტრი წამში.
ჰაერის ტემპერატურა სანაპირო რაიონებში იქნება:
- დღისით: 0 – 5 გრადუსი სითბო
- ღამით: 3 გრადუსი ყინვა –2 გრადუსი სითბო
მთიან მუნიციპალიტეტებში მოსალოდნელია:
- დღისით: 2 – 7 გრადუსი ყინვა
- ღამით: 6 – 11 გრადუსი ყინვა
სინოპტიკოსების ცნობით, 21 იანვარს ღამით და დილით სუბტროპიკულ რაიონებში თოვლ-ჭყაპი იქნება, მთაში კი კვლავ მოთოვს.
21 იანვარს, დღის მეორე ნახევარში, აჭარაში გამოიდარებს.