საქართველოს საჯარო სკოლებში სწავლა 18 იანვარს განახლდება. ცნობილია, რომ საქართველოს მთავრობის გადაწყვეტილებით, ზამთრის არდადეგები სკოლებში 15 იანვრამდე გრძელდება. თუმცა სკოლები არც მომდევნო 16, 17 იანვარს იმუშავებს [შაბათ-კვირას]. შესაბამისად, სწავლის დაწყების თარიღი გადაიწევს 18 იანვრამდე.
ჯერ უცნობია, სად, როგორ და რა ფორმით განახლდება სწავლა.
ამ ეტაპზე ცნობილია მხოლოდ ის, რომ აჭარის რეგიონში მთლიანად და საქართველოს დიდ ქალაქებში – თბილისში, ქუთაისში, რუსთავში, გორში, ზუგდიდსა და ფოთში სწავლა ისევ ონლაინ იქნება.
მეტი დეტალი უახლოეს დღეებში გახდება ცნობილი, მას შემდეგ, რაც კორონავირუსის გამო შექმნილი უწყებათაშორისი საკოორდინაციო საბჭო განათლების მინისტრს მოუსმენს.
