Batumelebi | ბაგრატიონის ქუჩის რეაბილიტაციისთვის ბათუმის ბიუჯეტიდან 11 მილიონი დაიხარჯება ბაგრატიონის ქუჩის რეაბილიტაციისთვის ბათუმის ბიუჯეტიდან 11 მილიონი დაიხარჯება – Batumelebi
RU | GE  

ბაგრატიონის ქუჩის რეაბილიტაციისთვის ბათუმის ბიუჯეტიდან 11 მილიონი დაიხარჯება

ბათუმის მერიას ბაგრატიონის ქუჩის რეაბილიტაცია აქვს დაგეგმილი, რისთვისაც ქალაქის 2021 წლის ბიუჯეტში 4 359 741 ლარია გათვალისწინებული. ამ ქუჩაზე, ავტომანქანების სავალ ნაწილზე, წლების წინ რკინა-ბეტონის ფილები დააგეს, რომლებიც კარგა ხანია ამორტიზებულია.

ქალაქის ბიუჯეტის მიხედვით, ბაგრატიონის ქუჩაზე სარეაბილიტაციო სამუშაოები, შარტავას წრიულიდან [რეფერალური საავადმყოფოდან] ვაჟა-ფშაველას ქუჩამდე მონაკვეთში ჩატარდება.

მერიის ინფორმაციით, ბაგრატიონის ქუჩის აღნიშნული მონაკვეთის რეაბილიტაციის სამუშაოები მრავალწლიანი პროექტია და სამუშაოების საერთო ბიუჯეტი [2021-2022 წლებისთვის] შეადგენს 11 867 002 ლარს. ამ თანხით, 2 წელში,ბაგრატიონის ქუჩის 1,5-კილომეტრიანი მონაკვეთის რეაბილიტაცია იგეგმება.

პროექტს მერიის საქალაქო ინფრასტრუქტურისა და კეთილმოწყობის სამმართველო განახორციელებს, რომელიც სამუშაოების შესყიდვაზე ელექტრონულ ტენდერს გამოაცხადებს. კონკრეტულად რა სახის სამუშაოები ჩატარდება, სატენდერო პირობებში იქნება გაწერილი.

ამავე თემაზე:

რომელ გადათხრილ ქუჩებს გააკეთებენ ბათუმში 2021 წელს – ტენდერი

 

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com