მასწავლებელთა სახლის ინფორმაციით, 2021 წლის იანვრისთვის სტატუსი ყველა კატეგორიის მასწავლებელმა აიმაღლა. მაგალითად, უფროსის სტატუსს იანვრიდან მიიღებს 500 მაძიებელი პედაგოგი, წამყვანის სტატუსს კი 2900 უფროსი მასწავლებელი.
მასწავლებელთა პროფესიული განვითარების ცენტრის ინფორმაციით, ისინი „ახლა სტატუსის მოლოდინის რეჟიმში არიან“.
შესაბამისად, ეს მასწავლებლები ახალი წლიდან განსხვავებულ ანაზღაურებას მიიღებენ. მაგალითად, უფროს მასწავლებელს საათობრივ ანაზღაურებაზე დაემატება სტატუსისთვის განკუთვნილი 470 ლარი, წამყვან მასწავლებელს კი – 850 ლარი.
მენტორის მასწავლებლისთვის სტატუსის დანამატი – 1150 ლარია.
___
მასწავლებელთა სახლის ინფორმაციით, 2020 წლის განმავლობაში 14 მასწავლებელი გახდა მენტორი, 2053 – წამყვანი, 1029 – უფროსი.
