საქართველოს მთავრობის გადაწყვეტილებით დღეს, 6 იანვარს, ერთი ღამით კომენდანტის საათი უქმდება. გამონაკლისი მთავრობამ შობის დღესასწაულის გამო დაუშვა, რომელსაც მართლმადიდებლური ეკლესია 7 იანვარს აღნიშნავს.
საშობაო ლიტურგია ქვეყნის მოქმედ ტაძრებში 6 იანვარს, საღამოს 23:00 საათიდან დაიწყება.
კომენდანტის საათი 7 იანვრის 21:00 საათიდან ისევ განახლდება. ქუჩაში გასვლა აკრძალული იქნება საღამოს 21:00 საათიდან დილის 05:00 საათამდე.
