Batumelebi | ქუთაისის შემოვლითი გზა გაიხსნა, გადაადგილების დრო განახევრდა | დეპარტამენტი ქუთაისის შემოვლითი გზა გაიხსნა, გადაადგილების დრო განახევრდა | დეპარტამენტი – Batumelebi
RU | GE  

ქუთაისის შემოვლითი გზა გაიხსნა, გადაადგილების დრო განახევრდა | დეპარტამენტი

საავტომობილო გზების დეპარტამენტის ცნობით, ქუთაისის შემოვლითი გზის დამატებით, 12 კმ-იან ახალ 2 ზოლზე ავტოტრანსპორტის მოძრაობა გაიხსნა.

დეპარტამენტის ინფორმაციით, ამ დროისათვის აშენებულია ქუთაისის შემოვლითი გზის 40 კმ-იანი დამატებითი ორი ზოლი და ეს მონაკვეთები ექსპლუატაციაში შევა ეტაპობრივად.

„დღეიდან აღმოსავლეთ-დასავლეთის მაგისტრალით გადაადგილებისას გვერდს ავუვლით ქალაქ ქუთაისს, გადაადგილების დრო კი განახევდება.

2020 წელს, როგორც დაგეგმილი იყო, სულ აშენდა 70 კმ ჩქაროსნული გზა, რომელიც რამდენიმე კვირაში სრულად შევა ექსპლოატაციაში.

ქუთაისის შემოვლითი-სამტრედიის 41.3 კმ-იანი გზა დაყოფილი იყო 4 ლოტად. ახლად აშენებული მონაკვეთების ექსპლუატაციაში სრულად შესვლის შემდეგ, ამ 4 ზოლიან გზაზე მოძრაობა ცალმხრივი იქნება. ქუთისის შემოვლითი გზის მონაკვეთზე, ახალი 2 ზოლის მშენებლობა რამდენიმე კვირაში სრულად დასრულდება“ – აცხადებს საავტომობილო გზების დეპარტამენტი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com