საქართველოს პრემიერ-მინისტრის, გიორგი გახარიას განცხადებით, ერთჯერადი 300-ლარიანი კომპენსაციის მისაღებად შემოსავლების სამსახურში 130 ათასზე მეტი განცხადება შევიდა.
„დღეის მდგომარეობით, 130 000-ზე მეტი განაცხადი არის სახელმწიფოში შემოსული ერთჯერად 300 ლარიან დახმარებაზე, რომლიდანაც დიდი ნაწილი, 110 000-ზე მეტი უკვე დაკმაყოფილებულია და წლის ბოლომდე ყველა დაკმაყოფილდება“ – განაცხადა გიორგი გახარიამ.
მისივე თქმით, სოციალური დახმარება და სოციალური მდგრადობა 2021 წლის განმავლობაში იქნება „საქართველოს მთავრობის ძირითადი ამოცანა“. ამის შესახებ გახარიამ უწყებათაშორისი საკოორდინაციო საბჭოს დასრულების შემდეგ, მთავრობის ადმინისტრაციაში გამართულ ბრიფინგზე განაცხადა.
