მთავარი,სიახლეები

ოჯახი და სამართალდამცველები გაუჩინარებულ 27 წლის ნიკა სუბელიანს ეძებენ

16.12.2020 • 853
ოჯახი და სამართალდამცველები გაუჩინარებულ 27 წლის ნიკა სუბელიანს ეძებენ

ოჯახი 7 დეკემბერს გაუჩინარებულ ნიკა სუბელიანს ამ დრომდე ეძებს. ის 27 წლისაა და დმანისში ცხოვრობს.

ნიკა სუბელიანის მეგობრის, მინდია გურჩიანის თქმით, ნიკა ბოლოს ოჯახის ნათესავებმა თბილისში, „აფრიკის დასახლებაში“  7 დეკემბერს ნახეს.

„შემდეგ პოლიციელებმა ის ნახეს ჟინვალში 9 დეკემბერს და დააჯარიმეს კიდეც კომენდანტის საათის დარღვევისთვის. პოლიციელები ამბობენ, რომ ის მითითებულ ადგილას ჩამოსვეს, ამის შემდეგ ნიკა აღარავის უნახავს… გვითხრეს, რომ მსგავსი გარეგნობის ბიჭი შენიშნეს ბათუმში. სამძებრო სამუშაოები ახლა ბათუმში გრძელდება,“ – ამბობს მინდია გურჩიანი.

შინაგან საქმეთა სამინისტროს ინფორმაციით, გამოძიება დაწყებულია სსკ-ის 143-ე მუხლის შესაბამისად, რაც თავიუსუფლების უკანონო აღკვეთას გულისხმობს.

ინფორმაციის არსებობის შემთხვევაში, ოჯახის თხოვნაა, დაუკავშირდეთ ნიკა სუბელიანის ძმას, დათო სუბელიანს ტელეფონზე: 599 043 806

გადაბეჭდვის წესი


ასევე: