Batumelebi | შსს საგზაო მოძრაობის წესების დარღვევაზე ჯარიმების გამკაცრებას გეგმავს შსს საგზაო მოძრაობის წესების დარღვევაზე ჯარიმების გამკაცრებას გეგმავს – Batumelebi
RU | GE  

შსს საგზაო მოძრაობის წესების დარღვევაზე ჯარიმების გამკაცრებას გეგმავს

საგზაო მოძრაობის უსაფრთხოების პროგრამის ფარგლებში, ადმინისტრაციულ სამართალდარღვევათა კოდექსში საკანონმდებლო ცვლილებებია გათვალისწინებული, რომელთა მიხედვით მკაცრდება ადმინისტრაციული პასუხისმგებლობა მძღოლის მიერ ქვეითებთან მიმართებაში წესების დარღვევაზე. კერძოდ, პირველი დარღვევის შემთხვევაში, მძღოლი დაჯარიმდება – 40 ლარით, იმავე ქმედების განმეორებით ჩადენის შემთხვევაში კი – 150 ლარით.

ასევე, კანონპროექტის თანახმად, შემხვედრი სატრანსპორტო ნაკადის გამყოფი უწყვეტი ღერძულა ხაზის გადაკვეთასა და საპირისპირო მიმართულებით მოძრაობაზე, ადმინისტრაციულ სამართალდარღვევათა კოდექსით დაწესდება ახალი ნორმა – ადმინისტრაციული ჯარიმა 300 ლარის ოდენობით.

ადმინისტრაციული პასუხისმგებლობა იზრდება 200-დან 300 ლარამდე იმ პირის მიმართაც, რომელიც საქალაქო, საქალაქთაშორისო ან საერთაშორისო რეისებით მგზავრების რეგულარული გადაყვანისას სიჩქარეს გადააჭარბებს.

კანონპროექტის თანახმად, მექანიკური სატრანსპორტო საშუალების მართვის დროს, მძღოლის მიერ მობილური კომუნიკაციის საშუალებით სარგებლობაზე ჯარიმა – 10 ლარიდან 30 ლარამდე იზრდება.

შს სამინისტროს ინფორმაციით, ადმინისტრაციულ სამართალდარღვევათა კოდექსში სხვა ცვლილება, რაც ჯარიმის თანხის გაზრდას ითვალისწინებს, არ განხორციელდება. იმ მუხლებით გათვალისწინებული ჯარიმები, რომლებიც კონკრეტული დარღვევის დროს მართვის მოწმობის ერთწლიან შეწყევტას გულისხმობდა, შემსუბუქდა და მძღოლს, მართვის მოწმობის ჩამორთმევის ნაცვლად, ფულადი ჯარიმა დაეკისრება. ეს ცვლილება კი ქულათა სისტემის დანერგვითაა განპირობებული.

საგზაო მოძრაობის უსაფრთხოების პროექტი შს სამინისტრომ შეიმუშავა. პროგრამა სხვადასხვა კომპონენტისაგან შედგება, კერძდ: – ქულების სისტემა:

უკონტაქტო პატრულირება:

 

მარჯვენასაჭიანი ავტომანქანების რეგისტრაციის აკრძალვა:

შს სამინისტროს პრესსამსახურის ცნობით, საკანონმდებლო ცვლილებები ჯარიმების გამკაცრებასთან მიმართბაში მას შემდეგ ამოქმედდება, როცა კანონპროექტს პარლამენტი მიიღებს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.