ბათუმში, მეჯინისწყლის ხიდთან, ორი მსუბუქი ავტომანქანა შეეჯახა ერთმანეთს. ავტოსაგზაო შემთხვევის შედეგად “ბათუმელების” ინფორმაციით, დედა-შვილი დაშავდა.
დაშავებულები სასწრაფო-სამედიცინო სამსახურმა კლინიკაში გადაიყვანა. ამ ეტაპზე უცნობია, როგორია მათი ჯანმრთელობის მდგომარეობა.
შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 276-ე მუხლის მეორე ნაწილის შესაბამისად.