ოპოზიცია მეორე ტურის დროს საარჩევნო უბნებზე სირცხვილის კორიდორების მოწყობას აპირებს. ამის შესახებ ინფორმაცია ენმ-ის მაჟორიტარი დეპუტატობის კანდიდატმა, ლევან ვარშალომიძემ ბათუმში მიმდინარე აქციაზე გაავრცელა.
“373 საარჩევნო უბანია აჭარაში. არჩევნებზე მივიდეთ ყველა უბანთან და გავაკეთოთ სირცხვილის კორიდორები,” – უთხრა აქციის მონაწილეებს ლევან ვარშალომიძემ.
ბათუმში ერთ კვირაზე მეტია საპროტესტო აქციები უწყვეტ რეჟიმში მიმდინარეობს. აქცია იმართება დღესაც.
„დაიცავი შენი ხმა“ – ასე ეწოდება აქციას, რომელზეც მოქალაქეები 31 ოქტომბრის საპარლამენტო არჩევნების შედეგებს აპროტესტებენ.
