გასული 24 საათის განმავლობაში საქართველოში კორონავირუსის 2 970 ახალი შემთხვევა დადასტურდა. გასულ 24 საათში 22 ადამიანი გარდაიცვალა, მათგან თბილისში – 11, აჭარაში – 4, იმერეთში – 6 და ქვემო ქართლში – 1 ადამიანი. 2020 წლის 26 თებერვლიდან დღემდე ვირუსით ქვეყანაში 521 ადამიანია გარდაცვლილი.
რაც შეეხება გამოჯანმრთელებულებს, დღეს 2 348 ადამიანი გამოჯანმრთელდა ვირუსისგან, გამოჯანმრთელებულთა რაოდენობა 10 ნოემბრის მონაცემებით სულ 47 390-ია.
10 ნოემბერს გამოვლენილი 2 970 შემთხვევები ქვეყნის მასშტაბით შემდეგნაირად ნაწილდება: თბილისში გამოვლენილია 1 130 შემთხვევა, აჭარაში – 653, იმერეთში – 463, ქვემო ქართლში – 90, შიდა ქართლში – 105, გურიაში – 67, სამეგრელო – ზემო სვანეთში – 202, კახეთში – 94, მცხეთა-მთიანეთში – 93, სამცხე-ჯავახეთში – 49, რაჭა-ლეჩხუმსა და ქვემო სვანეთში – 24.
ოფიციალური ინფორმაციით, 10 ნოემბრისთვის აქტიური ინფიცირებული შემთხვევა არის 15 713. 4 709 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 361, აჭარაში – 732.
ქვეყანაში 656 მძიმე პაციენტია. მათ შორის, თბილისში – 341, აჭარაში – 109. აქედან, ხელოვნური სუნთქვის აპარატზე არის 265 პირი – მათ შორის, თბილისში – 153, აჭარაში – 60. 3 066 პირი არის კოვიდსასტუმროში, მათ შორის, 1 542 – აჭარაში, ხოლო 1 053 – თბილისში. 7 938 ადამიანი მკურნალობს ბინაზე.