Batumelebi | ცესკოს ერთ-ერთი თანამშრომელი თანამდებობას ტოვებს ცესკოს ერთ-ერთი თანამშრომელი თანამდებობას ტოვებს – Batumelebi
RU | GE  

ცესკოს ერთ-ერთი თანამშრომელი თანამდებობას ტოვებს

ცესკოს ტოვებს საარჩევნო კომისიებთან ურთიერთობის დეპარტამენტის უფროსი სპეციალისტი ივანე ბურდული. მან სამსახურიდან წასვლის თაობაზე ცესკოს თავმჯდომარის, თამარ ჟვანიას სახელზე განცხადება დღეს, 6 ნოემბერს, დაწერა. განცხადება ივანე ბურდულმა საკუთარ ფეისბუქის გვერდზეც გამოაქვეყნა.

ტელეკომპანია „მთავარი არხის“ ეთერში ივანე ბურდულმა თანამდებობის დატოვების მოტივად არჩევნების გაყალბება დაასახელა. „მთავარი მიზეზი სამსახურიდან წამოსვლის არის საპარლამენტო არჩევნები, რომელიც ტოტალურად გაყალბდა“, – განაცხადა ბურდულმა. მისივე თქმით, არჩევნების გაყალბების პროცესში მმართველი პარტია და სუს-ი არიან ჩართულები.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com