Batumelebi | 9 თვეში საქართველოში 337 ადამიანი დაიღუპა ავარიით, მათ შორის 17 ბავშვი იყო 9 თვეში საქართველოში 337 ადამიანი დაიღუპა ავარიით, მათ შორის 17 ბავშვი იყო – Batumelebi
RU | GE  

9 თვეში საქართველოში 337 ადამიანი დაიღუპა ავარიით, მათ შორის 17 ბავშვი იყო

შს სამინისტროს სტატისტიკის თანახმად, 2020 წლის იანვრიდან სექტემბრის ჩათვლით საქართველოში 337 ადამიანი დაიღუპა ავტოავარიის შედეგად.

ბოლო სამი თვის განმავლობაში საქართველოში 1437 ავტოსაგზაო შემთხვევა მოხდა, რომელზეც სისხლის სამართლის კოდექსის 276-ე მუხლით დაიწყო გამოძიება.

ქვეყანაში ბოლო სამ თვეში ავტოავარიის შედეგად დაშავდა 2022 და დაიღუპა 134 ადამიანი. აქედან, 6 ადამიანის სიცოცხლე ემსხვერპლა ავტოსაგზაო შემთხვევებს აჭარაში.

ბოლო სამი თვის განმავლობაში საპატრულო პოლიციის დეპარტამენტის სამოქმედო ტერიტორიაზე ავტოავარიით დაღუპულთაგან 37 ადამიანი ქვეითი იყო. ავტოავარიის შედეგად ბოლო სამ თვეში  7 ბავშვი დაიღუპა, ხოლო 2020 წლის იანვრიდან სექტემბრის ჩათვლით – 17 ბავშვი. მათი ასაკი 0-დან 16 წლამდე იყო.

___________

ფოტოზე: ავარია ქობულეთში. ფოტო „ბათუმელების“ არქივიდან 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com