Batumelebi | საქართველოს დიდ ქალაქებში სწავლა 25 ნოემბრამდე დისტანციურად გაგრძელდება საქართველოს დიდ ქალაქებში სწავლა 25 ნოემბრამდე დისტანციურად გაგრძელდება – Batumelebi
RU | GE  

საქართველოს დიდ ქალაქებში სწავლა 25 ნოემბრამდე დისტანციურად გაგრძელდება

საქართველოს სკოლებში სწავლა 4-დან 25 ნოემბრამდე დისტანციურად გაგრძელდება. ამის შესახებ მთავრობის საკოორდინაციო საბჭოს დასრულების შემდეგ გახდა ცნობილი.

მთავრობა გადაწყვეტილებას საპარლამენტო არჩევნების მეორე ტურებითა და სკოლებში საარჩევნო უბნების არსებობით ხსნის.

„იმის გათვალისწინებით, რომ ბევრ დასახლებაში გვიწევს მეორე ტურის გამოყენება და ასეულობით სკოლა გამოყენებული იქნება როგორც საარჩევნო უბანი, აქედან გამომდინარე და იმის გათვალისწინებით, რომ მნიშვნელოვანია დიდ ქალაქებში მობილობის შემცირება, ჩვენ მივიღეთ გადაწყვეტილება, რომ დისტანციური რეჟიმი შენარჩუნდეს თბილისში, ქუთაისში, რუსთავში, გორში, ფოთში, თელავში, ზუგდიდში, ზესტაფონში, მარნეულში და გარდაბანში“, – თქვა ვიცე-პრემიერმა მაია ცქიტიშვილმა.

სწავლა ამ დრომდე დისტანციურად მიმდინარეობს აჭარაში, სადაც კლასებში სწავლა სექტემბერში არ განახლებულა.

მთავრობის გადაწყვეტილება ეხება როგორც საჯარო, ისე კერძო სკოლებსა და მოსწავლეებს პირველიდან მეთორმეტე კლასის ჩათვლით.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.