Batumelebi | თორნიკე რიჟვაძე: „ბათუმში ხდება ზონდერჯგუფების მობილიზება“ თორნიკე რიჟვაძე: „ბათუმში ხდება ზონდერჯგუფების მობილიზება“ – Batumelebi
RU | GE  

თორნიკე რიჟვაძე: „ბათუმში ხდება ზონდერჯგუფების მობილიზება“

აჭარის მთავრობის თავმჯდომარე თორნიკე რიჟვაძე აცხადებს, რომ „ერთიანი ნაციონალური მოძრაობა“  საარჩევნო პროცესის დისკრედიტაციას გეგმავს. რიჟვაძე ასევე „ოცნების“ უმაღლესი საბჭოს საიაში პირველი ნომერი და დეპუტატობის კანდიდატია.

„აჭარაში საარჩევნო პროცესი მიმდინარეობს მშვიდად, არსებითი დარღვევების გარეშე, თუმცა, როგორც მოსალოდენელი იყო, უპასუხისმგებლო პოლიტიკური ძალები, განსაკუთრებით ნაციონალური მოძრაობა, აგრძელებს დესტრუქციულ მოქმედებებს იმისთვის, რომ მოხდეს საარჩევნო პროცესის და მთლიანად არჩევნების დისკრედიტაცია.“

რიჟვაძემ ასევე განაცხადა, რომ არსებობს მობილიზების ამსახველი ვიდეომასალა:

„ბათუმში ხდება ზონდერჯგუფების მობილიზება და ამის ამსახველი შესაბამისი მასალაც იქნება გავრცელებული. ამავე დროს ყველას მინდა კიდევ ერთხელ მოვუწოდო, რომ მაქსიმალურად მშვიდად და სტაბილურად გაგრძელდეს საარჩევნო პროცესი. ასევე, რა თქმა უნდა, კიდევ ერთხელ ვეუბნებით მათ, რომ იქნება უმკაცრესი რეაგირება ნებისმიერ პროვოკაციაზე, ნებისმიერ დესტრუქციულ ქმედებაზე და დესტაბილიზაციის მცდელობაზე“.

ნეტგაზეთის მასალების სხვა გამოცემებში გადაბეჭდვის წესი
ავტორი