Batumelebi | ხულოში, კურორტ გოდერძიზე, მიწის 10 ნაკვეთს პირობიან აუქციონზე ყიდიან ხულოში, კურორტ გოდერძიზე, მიწის 10 ნაკვეთს პირობიან აუქციონზე ყიდიან – Batumelebi
RU | GE  

ხულოში, კურორტ გოდერძიზე, მიწის 10 ნაკვეთს პირობიან აუქციონზე ყიდიან

ხულოში, რიყეთის თემში, კურორტ გოდერძიზე მდებარე მიწის 10 ნაკვეთს აჭარის ფინანსთა და ეკონომიკის სამინისტრო პირობებიან აუქციონზე ყიდის.

ჯამში 5 567  კვ/მ ფართობის მიწის ნაკვეთების საწყისი გასაყიდი ფასი 1 მილიონ 72 ათასი ლარია. გამოცხადებულია 8 აუქციონი. მომავალ მესაკუთრეებს შეძენილ მიწის ნაკვეთებზე კოტეჯების ტიპის შენობა-ნაგებობების აშენება და ამოქმედება ევალებათ.

შვიდ აუქციონში, ამდენივე ნაკვეთის შეძენის შემთხვევაში, პირობები იდენტურია:

  • „საბოლოო საპრივატიზებო საფასურის (“ბე“-ს გამოკლებით) გადახდა აუქციონის დასრულებიდან არაუგვიანეს 2021 წლის 20 სექტემბრამდე;
  • ნასყიდობის ხელშეკრულების გაფორმებიდან არაუგვიანეს 2 თვის ვადაში უპირობო და გამოუხმობი საბანკო გარანტიის წარმოდგენა არანაკლებ 10 000 ლარის ოდენობით, რომლის ვადაც არანაკლებ 2 თვით უნდა აღემატებოდეს საინვესტიციო ვალდებულების შესრულების ვადას;
  • არაუგვიანეს 2021 წლის 31 მაისისა არქიტექტურული პროექტის მომზადებამდე სამთო-სათხილამურო კურორტის ლანდშაფტის შესაბამისი საპროექტო ობიექტის ვიზუალური ესკიზის (4 მხრიდან ხედი მოცულობაში, საპროექტო ობიექტ(ებ)ის გაბარიტების, ფასადის მოსაპირკეთებელი მასალების ჩვენებით) სამინისტროში შესათანხმებლად წარმოდგენა;
  • არაუგვიანეს 2021 წლის 31 დეკემბრისა საკუთრებაში გადაცემულ მიწის ნაკვეთებზე განსათავსებელი კოტეჯის ტიპის შენობა-ნაგებობის საპროექტო დოკუმენტაციის დამუშავება და მშენებლობის ნებართვის მიღება;
  • არაუგვიანეს 2022 წლის 30 ნოემბრისა საკუთრებაში გადაცემულ მიწის ნაკვეთებზე განსათავსებელი კოტეჯის ტიპის შენობა-ნაგებობის მზიდი კონსტრუქციის მშენებლობის დასრულება;
  • არაუგვიანეს 2023 წლის 30 ნოემბრისა კოტეჯის ტიპის შენობა-ნაგებობის ექსპლუატაციაში გაშვება/ამოქმედება;
  • აღნიშნულ პროექტში არანაკლებ 300 000 ლარის ინვესტიციის განხორციელება“.

ამ პირობებით იყიდება 7 ნაკვეთი: 495 კვ/მ – საწყისი ფასი – 96 000 ლარი; 637 კვ/მ – 123 000 ლარი; 421 კვ/მ – 81 000 ლარი; 631 კვ/მ – 122 000 ლარი; 604 კვ/მ – 116 000 ლარი; 559 კვ/მ – 108 000 ლარი და 393 კვ/მ მიწის ნაკვეთი – საწყისი გასაყიდი ფასი 76 000 ლარი.

ცალკე, ერთ ლოტად იყიდება 3 ნაკვეთი [631, 605 და 591 კვ/მ ფართობის], რომელთა საწყისი გასაყიდი ფასია 350 000 ლარი. აღნიშნული აუქციონის პირობის მიხედვით, გამარჯვებული ვალდებული იქნება:

  • საბოლოო საპრივატიზებო საფასურის (“ბე“-ს გამოკლებით) გადახდა აუქციონის დასრულებიდან არაუგვიანეს 2021 წლის 20 სექტემბრამდე.
  • შესაბამისი ნასყიდობის ხელშეკრულების გაფორმებიდან არაუგვიანეს 2 თვის ვადაში უპირობო და გამოუხმობი საბანკო გარანტიის წარმოდგენა არანაკლებ 10 000 ლარის ოდენობით, რომლის ვადაც არანაკლებ 2 თვით უნდა აღემატებოდეს საინვესტიციო ვალდებულების შესრულების ვადას;
  • არაუგვიანეს 2021 წლის 31 მაისისა არქიტექტურული პროექტის მომზადებამდე, სამთო-სათხილამურო კურორტის ლანდშაფტის შესაბამისი საპროექტო ობიექტის (ყოველი ნაკვეთისათვის ცალ-ცალკე) ვიზუალური ესკიზის (4 მხრიდან ხედი მოცულობაში, საპროექტო ობიექტ(ებ)ის გაბარიტების, ფასადის მოსაპირკეთებელი მასალების ჩვენებით) სამინისტროში შესათანხმებლად წარმოდგენა;
  • არაუგვიანეს 2021 წლის 31 დეკემბრისა საკუთრებაში გადაცემულ მიწის ნაკვეთებზე განსათავსებელი კოტეჯების ტიპის შენობა-ნაგებობების საპროექტო დოკუმენტაციის დამუშავება და მშენებლობის ნებართვის მიღება;
  • არაუგვიანეს 2022 წლის 30 ნოემბრისა საკუთრებაში გადაცემულ მიწის ნაკვეთებზე განსათავსებელი კოტეჯების ტიპის შენობა-ნაგებობების მზიდი კონსტრუქციის მშენებლობის დასრულება;
  • არაუგვიანეს 2023 წლის 30 ნოემბრისა კოტეჯის ტიპის შენობა-ნაგებობების ექსპლუატაციაში გაშვება/ამოქმედება;
  • აღნიშნულ პროექტში არანაკლებ 1 000 000 ლარის ინვესტიციის განხორციელება.

რვავე აუქციონი 2020 წლის 13 ოქტომბერს დაიწყო და 2 ნოემბერს დასრულდება.

აუქციონზე გამოტანილი 10 ნაკვეთის მდებარეობა კურორტ გოდერძიზე

 

მთავარი ფოტო: გოდერძი / ფოტო: მანანა ქველიაშვილი/„ბათუმელები“

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com