Batumelebi | ბათუმში 5 პაციენტი გარდაიცვალა კოვიდით, მათ შორის ერთი 57 წლის იყო ბათუმში 5 პაციენტი გარდაიცვალა კოვიდით, მათ შორის ერთი 57 წლის იყო – Batumelebi
RU | GE  

ბათუმში 5 პაციენტი გარდაიცვალა კოვიდით, მათ შორის ერთი 57 წლის იყო

გასული 24 საათის განმავლობაში აჭარაში კორონავირუსით 5 პაციენტი გარდაიცვალა.

აჭარის ჯანდაცვის სამინისტროს ინფორმაციით, 4 პაციენტი გადაიცვალა ბათუმის რესპუბლიკურ საავადმყოფოში, ერთი კი – ბათუმის სამედიცინო ცენტრში.

კორონავირუსით გარდაიცვალა 70 წლის კაცი, რომელსაც აღენიშნებოდა: „კოვიდ 19, სუნთქვის მწვავე უკმარისობა, ორმხრივი პნევმონია, რესპირაციული დისტრეს სინდრომი, შოკი, გულის ათეროსკლეროზული დაავადება, გულის ქრონიკული უკმარისობა“.

კოვიდით გარდაცვლილი 78 წლის ქალის დიაგნოზი: „კოვიდ 19, სუნთქვის მწვავე უკმარისობა, ორმხრივი პნევმონია, შაქრიანი დიაბეტი ტიპი 2, აორტოკორონალური სტენტირება, ორივე ქვედა კიდურის ენდოპროტეზირება“.

კორონავირუსით გარდაიცვალა  57 წლის კაცი, რომელსაც კოვიდთან ერთად აღენიშნებოდა სუნთქვის მწვავე უკმარისობა, ორმხრივი პნევმონია, რესპირაციული დისტრეს სინდრომი, შოკი, გულის გაჩერება და არტერიული ჰიპერტენზია.

კორონავირუსით გარდაცვლილი კიდევ ერთი პაციენტი 73 წლის კაცი იყო. მისი დიაგნოზია: „კოვიდ 19, სუნთქვის მწვავე უკმარისობა, ორმხრივი პნევმონია, რესპირაციული დისტრეს სინდრომი, შოკი, ფილტვის არტერიის თრომბოემბოლია, გულის იშემიური დაავადება, არტერიული ჰიპერტენზია.

ასევე, გასულ 24 საათში ბათუმში კოვიდით გარდაიცვალა 68 წლის ქალი, რომელსაც კორონავირუსთან ერთად აღენიშნებოდა სუნთქვის მწვავე უკმარისობა, ესეციური ჰიპერტენზია და გულის უკმარისობა.

13 დღის განმავლობაში აჭარაში 34 პაციენტი გარდაიცვალა კორონავირუსით.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com