დღეს, 12 ოქტომბერს, საკოორდინაციო საბჭოს სხდომის დასრულების შემდეგ დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა, რომ მალე დაიწყება მასწავლებლების ტესტირება კორონავირუსზე. მასწავლებლების ტესტირება შემთხვევითობის [random] პრინციპით იგეგმება.
ასევე, ამირან გამყრელიძე ამბობს, რომ კორონავირუსის გამოვლენის შემთხვევაში არ მოხდება სკოლის სრული იზოლირება.
„თუ ერთი ბავშვი დაინფიცირდა, იმ შემთხვევაში კლასი და მასთან შემხებლობაში მყოფი ბავშვები და მასწავლებლები გადადიან თვითიზოლაციაში. ასეთი წერტილოვანი შეზღუდვები განხორციელდება“ – განაცხადა ამირან გამყრელიძემ.
მის თქმით, წერტილოვანი შეზღუდვები იქნება არა მარტო სკოლებში, არამედ დიდ დაწესებულებებშიც. იმავე პრინციპით იგეგმება შეზღუდვები საბავშვო ბაღებშიც.
