მთავარი,სიახლეები

ბათუმის დელფინარიუმში დელფინი დაიბადა

09.10.2020 • 1831
ბათუმის დელფინარიუმში დელფინი დაიბადა

ბათუმის დელფინარიუმში დელფინ ცუცას მეორე შვილი შეეძინა – ამის შესახებ ინფორმაციას ბათუმის დელფინარიუმი ავრცელებს. დელფინარიუმისვე ცნობით, ეს მეთერთმეტე დელფინია, რომელიც დელფინარიუმში დაიბადა.

„დედა-შვილი თავს შესანიშნავად გრძნობენ. ახალშობილი აქტიურად დაცურავს აუზში დედასთან ახლოს.

დელფინარიუმის ძუძუმწოვართა ცენტრის უფროსი, ბიოლოგიის დოქტორი ტარიელ (თენგო) წეროძე ვარაუდობს, რომ ახალშობილი დელფინი ბიჭია: „ახალბედას წონაში მატება უკვე ეტყობა. იგი ამ ეტაპზე დედის რძით იკვებება და ეს პროცესი 3 წელზე მეტ ხანს გაგრძელდება. 6-დან 8 თვის ასაკის შუალედში, რძესთან ერთად პატარა, თევზით კვებასაც დაიწყებს“, – ვკითხულობთ დელფინარიუმის მიერ გავრცელებულ განცხადებაში.

თვეზე მეტია ბათუმის დელფინარიუმი კორონავირუსის პანდემიის გამო დაკეტილია.

გადაბეჭდვის წესი


ასევე: