Batumelebi | ეგვიპტეში 2600 წლის წინანდელი სარკოფაგები აღმოაჩინეს ეგვიპტეში 2600 წლის წინანდელი სარკოფაგები აღმოაჩინეს – Batumelebi
RU | GE  

ეგვიპტეში 2600 წლის წინანდელი სარკოფაგები აღმოაჩინეს

ეგვიპტეში, საკარას ნეკროპოლში 59 სარკოფაგი აღმოაჩინეს მუმიებით. აქვე იპოვეს 28 ხის ფიგურა ძველეგვიპტური ღმერთების გამოსახულებით.

აქამდე უცნობი სარკოფაგების აღმოჩენის შესახებ ინფორმაცია ეგვიპტის სიძველეთა საკითხებისა და  ტურიზმის მინისტრმა, ჰალიდ ალ-ანანიმ გაავრცელა. მისი თქმით, მიუხედავად იმისა, რომ სარკოფაგები 26 საუკუნის წინანდელია, ისინი კარგადაა შემონახული.

სარკოფაგების ნაწილი მოხატულია, მინისტრის თქმით, ისინი ეგვიპტის დიდ მუზეუმში გამოიფინება, გიზის პირამიდებთან ახლოს.

სარკოფაგები საკმაოდ მიუდგომელ ადგილას, მიწის ზედაპირიდან 11 მეტრის სიღრმეში იპოვეს. ექსპერტების თქმით, დამარხვის შემდეგ ამ სარკოფაგებს აქამდე არავინ შეხებია.

თითქმის ყველა სარკოფაგში აღმოჩნდა ღვთისმსახურთა და მაღალი იერარქიის წარმომადგენელთა მუმიები.

სარკოფაგები სპეციალურად აგებულ სამ შახტში აღმოაჩინეს, სადაც ისინი ერთმანეთის გვერდიგვერდ იყო 2500 წელზე მეტხანს განლაგებული.

ფოტო: ევროპის პრესფოტო სააგენტო. EPA/KHALED ELFIQI

______________

წყარო: BBC

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com