Batumelebi | მოხუცთა თავშესაფარს ბათუმში მოხალისეები სჭირდება მოხუცთა თავშესაფარს ბათუმში მოხალისეები სჭირდება – Batumelebi
RU | GE  

მოხუცთა თავშესაფარს ბათუმში მოხალისეები სჭირდება

ბათუმში მოხუცთა თავშესაფარს მოხალისეები სჭირდება. თავშესაფრის ხელმძღვანელის, იოანე ბარამიძის თქმით, მოხალისეობის მსურველებს აჭარის ჯანდაცვის სამინისტრო გადაამზადებს და მხოლოდ ამის შემდეგ დაიწყებენ მუშაობას.

„ჩვენ გვჭირდება სრულწლოვანი ახალგაზრდები, უფრო მეტად ქალები, რომლებიც დაეხმარებიან მოხუცებს კვების პერიოდში. დაგვპირდა ჯანდაცვის სამინისტრო, რომ დაგვეხმარება მსურველების გადამზადებაში. გვაქვს სათანადო ეკიპირება, რომ მოხალისეებმა უსაფრთხოდ შეძლონ მუშაობა თავშესაფარში,“ – ამბობს იოანე ბარამიძე.

მოხალისეებს კარანტინის რეჟიმში მოუწევთ ცხოვრება სასტუმროში, სათნოების სახლ „სავანეში“ კი სხვადასხვა ცვლაში იმუშავებენ.

მოხალისეების საჭიროება მოხუცთა თავშესაფარში მას შემდეგ გაჩნდა, რაც თავშესაფრის ბინადრებისა და პერსონალს კორონავირუსი დაუფიქსირდა. დღემდე ამ თავშესაფარში 30 პირს დაუდასტურდა კორონავირუსი.

ბათუმის წმიდა მოწამე ეკატერინეს სახელობის სათნოების სავანე ბათუმისა და ლაზეთის ეპარქიის პატრონაჟის ქვეშ იმყოფება.

ნეტგაზეთის მასალების სხვა გამოცემებში გადაბეჭდვის წესი
ავტორი