უმაღლესი საარჩევნო კომისია აჭარაში მცხოვრები ამომრჩევლების რაოდენობას აქვეყნებს. განახლებული მონაცემებით, აჭარაში სულ 315 060 ამომრჩეველია რეგისტრირებული, მათ შორის, 147 291 ამომრჩეველია ბათუმში [28-ე მაჟორიტარული ოლქი].
29-ე მაჟორიტარულ ოლქში [ქობულეთის მუნიციპალიტეტი და ხელვაჩაურის მუნიციპალიტეტის მახინჯაურის ადმინისტრაციული ერთეული] რეგისტრირებულია 70 911 ამომრჩეველი, ხოლო 30-ე მაჟორიტარულ ოლქში – 96 858 [ხელვაჩაურის – მახინჯაურის ადმინისტრაციული ერთეულის გარდა – ქედის, შუახევისა და ხულოს მუნიციპალიტეტები].
2018 წელთან შედარებით, როცა ქვეყანაში საპრეზიდენტო არჩევნები ჩატარდა, აჭარის რეგიონში ამომრჩეველთა რაოდენობა 6211-ით გაიზარდა. 2018 წელს ამომრჩეველთა რაოდენობა რეგიონში იყო 308 849.
გაზრდილია ამომრჩეველთა რაოდენობა ბათუმშიც – 2018 წლის საპრეზიდენტო არჩევნების დროს ბათუმში 141 464 ამომრჩეველი ცხოვრობდა. 2020 წლის არჩევნებისთვის ბათუმში ამომრჩეველთა რაოდენობა 5827-ით გაზრდილა.
2020 წლის საპარლამენტო არჩევნებში აჭარაში საარჩევნო ხმის უფლება სულ
315 060 მოქალაქეს ექნება:
- ბათუმი – 147 291 ამომრჩეველი [28-ე მაჟორიტარული ოლქი]
- ქობულეთი – 70 911 ამომრჩეველი [29-ე მაჟორიტარული ოლქი]
- ხელვაჩაური, ქედა, შუახევი და ხულო – 96 858 ამომრჩეველი [30-ე მაჟორიტარული ოლქი]
