Batumelebi | ბათუმელი ექიმი მთავრობას მიმართავს – „მოხსენით ექიმამდე მისასვლელი ბარიერები“ ბათუმელი ექიმი მთავრობას მიმართავს – „მოხსენით ექიმამდე მისასვლელი ბარიერები“ – Batumelebi
RU | GE  

ბათუმელი ექიმი მთავრობას მიმართავს – „მოხსენით ექიმამდე მისასვლელი ბარიერები“

„ვრეკავ და არავინ მოდის“ – ამ შინაარსის პოსტს ფეისბუქში ხშირად და ღიად წერენ მოქალაქეები, რომლებიც ბათუმში ცხოვრობენ და ამბობენ, რომ კოვიდინფიცირებულები არიან. ზოგი მათგანი წერს, რომ ექიმთან მოხვედრას 3 დღეა ცდილობს, ზოგი – 5 თუ 8 დღეა. ზოგიერთი მათგანი ამბობს, რომ საავადმყოფოში გადაყვანაზე უარი უთხრეს. ცოტა ხნის წინ ექიმმა სოფიო ბერიძემ დაპოსტა იმ პრობლემების შესახებ, რაც, მისი დაკვირვებით, ბათუმში კორონავირუსის შემთხვევების მატებამ გამოიწვია.

სოფიო ბერიძის ტექსტს უცვლელად გთავაზობთ:

„პაციენტებისთვის სამედიცინო დახმარების გაწევის მთავარ ბარიერად იქცა ლაბორატორიული კონფირმაციის არარსებობა, რომელიც უმრავლეს შემთხვევაში აგვიანებს 7 დღე!
ამის გარეშე მათი ჰოსპიტალიზაციის ერთადერთი გზა ცხელების ცენტრია, რომელიც სულ ორია რეგიონში!

2 !!!!!

ეს არ იყო საკმარისი 50 ახალ შემთხვევაზე!

მით უმეტეს არ არის საკმარისი 200 ახალ შემთხვევაზე!!!

  • მოხსენით ექიმამდე მისასვლელი ბარიერები!!!!
  • იმოქმედეთ სწრაფად!!!
  • აღიქვით კრიზისი!!!

ძალიან ბევრი ხანდაზმული პაციენტი ბინაზე საათობით ელოდება სასწრაფო დახმარების ბრიგადას და გადაყვანას ჰოსპიტალში“, –  წერს ექიმი.

“ბათუმელებთან” საუბარში სოფიო ბერიძე დამატებით განმარტავს, რომ დღეისათვის აჭარაში მთავარი პრობლემა ცხელების ცენტრებშია, სადაც საკმარისი ადგილები არაა.

“კლინიკებში ვინც ხვდება მათ, რა თქმა უნდა უვლიან, რადგან ჩართულია მთელი სახელმწიფო სისტემა. მაგრამ მთავარი ბარიერი გახდა კლინიკაში მოხვედრა, რადგან ამბულატორიული დიაგნოსტირება აღარ ხდება, მარტო ცხელების ცენტრიდან შეიძლება მოხვდე კლინიკაში,” – ამბობს ექიმი.

___

დღეს აჭარაში 193 ადამიანს დაუდასტურდა კორონავირუსი

ნეტგაზეთის მასალების სხვა გამოცემებში გადაბეჭდვის წესი
ავტორი