Batumelebi | ბავშვები, განსაკუთრებით დაწყებითი კლასის, უნდა დაბრუნდნენ კლასებში – გახარია ბავშვები, განსაკუთრებით დაწყებითი კლასის, უნდა დაბრუნდნენ კლასებში – გახარია – Batumelebi
RU | GE  

ბავშვები, განსაკუთრებით დაწყებითი კლასის, უნდა დაბრუნდნენ კლასებში – გახარია

დღეს, 24 სექტემბერს, მთავრობის სხდომის დაწყების წინ, ქვეყნის პრემიერ-მინისტრმა, გიორგი გახარიამ განაცხადა, რომ დღეს გაიმართება ასევე საბჭოს სხდომა და განიხილავენ იმ ეტაპებს, რომელთა გათვალისწინებითაც საქართველოში დაიწყება სასწავლო პროცესის აღდგენა.

„რისკების გათვალისწინებით, წერტილოვანი შეზღუდვებით, მაგრამ ქვეყანაში უნდა აღდგეს ნორმალური ცხოვრება, მათ შორის უნდა აღდგეს სასწავლო პროცესი და ბავშვები, განსაკუთრებით დაწყებითი კლასის ბავშვები, სასწავლო კლასებში უნდა დაბრუნდნენ“ – განაცხადა გიორგი გახარიამ.

საქართველოში სასწავლო პროცესი საკლასო ოთახებსა და აუდიტორიებში 2020 წლის გაზაფხულზე შეწყდა. აქამდე არსებული ინფორმაციით, სწავლა შენობებში საქართველოში პირველ ოქტომბერს უნდა განახლდეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com