ბათუმის მე-5 საჯარო სკოლაში 12 პირი კორონავირუსით დაინფიცირდა. აქედან 7 მასწავლებელია, 1 ფსიქოლოგი და 4 დამლაგებელი.
„ბათუმელები“ სკოლის დირექტორის მოადგილეს ესაუბრა – გიული თელია ამბობს, რომ ფსიქოლოგი ბინაზე მკურნალობს და ექიმების დაკვირვების ქვეშაა, დანარჩენი ინფიცირებულები კი კლინიკებში არიან გადაყვანილი.
აჭარაში ინფიცირების შემთხვევების ზრდის გამო სასწავლო პროცესი დისტანციურად მიმდინარეობს, თუმცა გამომდინარე იქედან, რომ ცალკეული სკოლების პედაგოგებში კორონავირუსით ინფიცირების შემთხვევებმა იმატა, შესაძლოა ეს აისახოს დისტანციური სწავლების ხარისხზეც.
დღევანდელი, 23 სექტემბრის მონაცემებით, ქვეყნის მასშტაბით 227 ახალი შემთხვევა გამოვლინდა, აქედან 165 ახალი შემთხვევა ბათუმშია გამოვლენილი.
![რა [არ]მომწონს ჩემს სკოლაში? – ლაპარაკობენ მოსწავლეები](https://batumelebi.netgazeti.ge/wp-content/uploads/2024/02/skola-1.jpg)
