მთავარი,სიახლეები

ბათუმის რესპუბლიკურ საავადმყოფოში ოთხი პაციენტი მართვით სუნთქვაზეა

22.09.2020 • 925
ბათუმის რესპუბლიკურ საავადმყოფოში ოთხი პაციენტი მართვით სუნთქვაზეა

დღეს, 22 სექტემბერს, ბათუმის რესპუბლიკურ საავადმყოფოში 21 პაციენტი იმყოფება რეანიმაციულ განყოფილებაში.

საავადმყოფოს კლინიკური მენეჯერის, გია კიკაბიძის განცხადებით, მათგან ოთხი მართვით სუნთქვაზეა, მათ ორმხრივი პნევმონია აქვთ და ფილტვის ქსოვილის დიდი ნაწილი აქვთ დაზიანებული.

ასევე, რესპუბლიკურ საავადმყოფოში კორონავირუსით ინფიცირებულ 5 პაციენტს მიეწოდება ჟანგბადი. გია კიკაბიძის განცხადებით, დანარჩენი პაციენტების მდგომარეობა „შედარებით სტაბილურია“.

22 სექტემბრის მონაცემებით, ბათუმის რესპუბლიკურ საავადმყოფოში 160 პაციენტია, ამავე საავადმყოფოს მიმღებში კიდევ 18 პაციენტი ელოდება ტესტირების პასუხს.

რესპუბლიკურ საავადმყოფოში სულ 170 ადგილია.

დღეის მონაცემებით, აჭარის კოვიდკილინკებში მკურნალობას გადის 550-მდე პაციენტი, კოვიდსასტუმროებში რჩება 578 პირი.

გადაბეჭდვის წესი


ასევე: