მთავარი,სიახლეები

„ეს არის შიდა გავრცელება, მაგრამ პანიკის საფუძველი არ არის“ – სიტუაცია ბათუმში

13.09.2020 • 1331
„ეს არის შიდა გავრცელება, მაგრამ პანიკის საფუძველი არ არის“ – სიტუაცია ბათუმში

„ეს არის შიდა გავრცელება, მაგრამ კონტროლს ქვეშაა სიტუაცია, პანიკის საფუძველი არ არის“ – განაცხადა დღეს, 13 სექტემბერს, ჟურნალისტებთან აჭარის საზოგადოებრივი ჯანდაცვის ცენტრის დირექტორმა, რუსუდან შავიშვილმა.

ბოლო 24 საათში აჭარაში კორონავირუსის 88 ახალი შემთხვევა დადასტურდა. რუსუდან შავიშვილის განცხადებით, ამ შემთხვევების უმრავლესობა დაკავშირებულია უკვე არსებულ შემთხვევებთან. დღეს მან არ უპასუხა ჟურნალისტების შეკითხვას კლასტერების შესახებ. „ყველგან არის გავრცელება“, – განაცხადა რუსუდან შავიშვილმა.

მისივე თქმით, აჭარის ჰოსპიტალურ სექტორში ამჟამად იმყოფება 277 პირი და „მათ შორის 78 გახლავთ ე.წ. კოვიდკარანტინში, ანუ ეს გახლავთ ასიმპტომური, მსუბუქი ფორმები“.

ბათუმში უკვე სამი კლინიკა მუშაობს კოვიდპაციენტებთან: ბათუმის რესპუბლიკური საავადმყოფო, ინფექციური საავადმყოფო და კლინიკა „მედალფა“.

პირველი სექტემბრიდან მოყოლებული აჭარაში კორონავირუსით ინფიცირების მაჩვენებელი იზრდება. კორონავირუსის შემთხვევები აჭარაში დაფიქსირდა: საკონდიტროში, ბაზრობაზე, ტელევიზიაში, აჭარის მთავრობაში, სკოლაში, ბანკში, იუსტიციის სახლში, გარემოსდაცვით დეპარტამენტში, საზოგადოებრივ ტრანსპორტში, ქობულეთის მერიაში და ა.შ.

გადაბეჭდვის წესი


ასევე: