Batumelebi | ქორწინების რეგისტრაციისას სარიტუალო მომსახურება ისევ აიკრძალა ქორწინების რეგისტრაციისას სარიტუალო მომსახურება ისევ აიკრძალა – Batumelebi
RU | GE  

ქორწინების რეგისტრაციისას სარიტუალო მომსახურება ისევ აიკრძალა

იუსტიციის მინისტრის ბრძანებით, 2020 წლის 10 სექტემბრიდან ქორწინების რეგისტრაცია და პირველადი მოწმობის გაცემა დასაშვებია მხოლოდ სპეციალური სარიტუალო მომსახურების გარეშე.

სარიტუალო მომსახურებით ქორწინების რეგისტრაცია და მოწმობის გაცემა დასაშვები 21 ივლისიდან იყო. მანამდე სარიტუალო მომსახურება იუსტიციის მინისტრის 15 ივლისის ბრძანებით იყო აკრძალული.

კორონავირუსის გავრცელების პრევენციის მიზნით საქართველოში ქორწილებიც აიკრძალა, მოგვიანებით კი ქორწილის გადახდა ღია სივრცეში გახდა დასაშვები შესაბამისი რეკომენდაციების დაცვით, თუმცა დღეიდან ქორწილები ისევ აიკრძალა.

საქართველოს მთავრობის გადაწყვეტილებით, 2020 წლის 10 სექტემბრიდან კვლავ შეიზღუდა „10-ზე მეტი ფიზიკური პირის ისეთი თავშეყრა, რომელიც დაკავშირებულია საზოგადოებაში დამკვიდრებულ სოციალურ ღონისძიებებთან (მაგ.: ქორწილი, ნებისმიერი იუბილე, ქელეხი და ა.შ.)“.

ამ თემაზე:

როგორ დაადგენს შრომის ინსპექცია, რესტორანში ქეიფია თუ ქორწილი

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com