Batumelebi | ბათუმში 16 პაციენტის ინფიცირების წყარო უცნობია – 10 სექტემბრის მონაცემები ბათუმში 16 პაციენტის ინფიცირების წყარო უცნობია – 10 სექტემბრის მონაცემები – Batumelebi
RU | GE  

ბათუმში 16 პაციენტის ინფიცირების წყარო უცნობია – 10 სექტემბრის მონაცემები

ბოლო 24 საათში ბათუმში გამოვლენილი კორონავირუსით ინფიცირების 27 ახალი შემთხვევიდან ნაწილი ინფიცირების უკვე დადასტურებული შემთხვევების კონტაქტებთანაა დაკავშირებული – განაცხადა რუსუდან შავიშვილმა, აჭარის საზოგადოებრივი ჯანდაცვის ცენტრის დირექტორმა დღეს, 10 სექტემბერს ჟურნალისტებთან. მისი თქმით, ახალ შემთხვევათა ერთი ნაწილი ინფიცირებული პირების ოჯახური კონტაქტია.

რუსუდან შავიშვილის განცხადებით, ინფიცირების 16 ახალი შემთხვევის ინფიცირების წყარო უცნობია.

დღეის მონაცემებით ბათუმში სტაციონარში მკურნალობს 122 პაციენტი, მათგან სამი – საშუალო სიმძიმისაა. საკარანტინო სივრცეში მეთვალყურეობას გადის 18 კოვიდდადებითი პაციენტი.

დღეს საქართველოში, ბოლო 24 საათის მონაცემებით, კორონავირუსის 57 ახალი შემთხვევა დადასტურდა. ეს 24 საათში გამოვლენილი შემთხვევების „რეკორდული“ მაჩვენებელია საქართველოში.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com