განათლება,მთავარი,სიახლეები

აჭარაში კორონავირუსი დაუდასტურდა მასწავლებელს, რომელიც ორ სკოლაში ასწავლის

07.09.2020 • 2010
აჭარაში კორონავირუსი დაუდასტურდა მასწავლებელს, რომელიც ორ სკოლაში ასწავლის

აჭარის საზოგადოებრივი ჯანდაცვის ცენტრის დირექტორის მოადგილე, ნონა ეფაძე აცხადებს, რომ აჭარაში კორონავირუსი ერთ-ერთ პედაგოგს დაუდასტურდა, რომელიც ორ საჯარო სკოლაში ასწავლის.

როგორც აჭარის განათლების მინისტრი, მაია ხაჯიშვილი „ბათუმელებთან“ ამბობს, ამ ორი სკოლის პედაგოგების სიას გადაუგზავნიან საზოგადოებრივი ჯანდაცვის ცენტრს, ანუ დანარჩენ პედაგოგებსაც ჩაუტარდებათ ტესტირება კორონავირუსზე.

სკოლებში ასამდე მასწავლებელი მუშაობს.

სამუშაო პროცესი სკოლებში 20 აგვისტოდან განახლდა.

დღეს, 7 სექტემბერს, პრემიერ-მინისტრმა განაცხადა, რომ შექმნილი ეპიდემიოლოგიური ვითარებიდან გამომდინარე, ბათუმისა და ქობულეთის საჯარო სკოლის შენობებში სწავლა პირველ ოქტომბრამდე ვერ განახლდება. სკოლები დისტანციურ რეჟიმში გააგრძელებენ სწავლას 15 სექტემბრიდან.

დღეს აჭარაში კორონავირუსის 20 ახალი შემთხვევაა დადასტურებული. აქედან დახლოებით 17 შემთხვევა „დონას“ კლასტერს უკავშირდება.

გადაბეჭდვის წესი


ასევე: