ხულოს მუნიციპალიტეტში 4 საჯარო სკოლაა, სადაც პირველკლასელები არ მიუღიათ. ესენია: რიყეთის, ძმაგულას, კალოთისა და სკვანას საჯარო სკოლები. აქედან ბოლო ორ სკოლაში პირველკლასელი არც გასულ წელს ყოფილა.
ყველაზე მეტი – რვა საჯარო სკოლა დარჩა პირველკლასელი მოსწავლეების გარეშე შუახევის მუნიციპალიტეტში. აქედან სამი სკოლა საშუალო საფეხურისაა, ხუთი კი – საბაზო საფეხურის.
სოფლები, სადაც საშუალო საფეხურის საჯარო სკოლებში პირველკლასელები არ ეყოლებათ:
- სოფელი ჩანჩხალო
- სოფელი ტბეთი
- სოფელი ხაბელაშვილები
სოფლები, სადაც საბაზო საფეხურის საჯარო სკოლებში პირველკლასელები არ ეყოლებათ:
- სოფელი სხეფი
- სოფელი კვიახიძეები
- სოფელი ტომაშეთი
- სოფელი ტაკიძეები
- სოფელი ვანი
გასულ წელს ამ მუნიციპალიტეტში ათ საჯარო სკოლას არ ჰყავდა პირველკლასელი.
მიუხედავად ამისა, შუახევის რესურსცენტრში გვითხრეს, რომ წელს პირველკლასელთა მატებაა სკოლებში. „დაბის სკოლას ჰყავს ბევრი პირველკლასელი, ასევე ფურტიოს საჯარო სკოლაში მიიღეს 17 პირველკლასელი, ზოგან თითო-თითო პირველკლასელია და მთლიანობაში 149 პირველკლასელი მივიღეთ სკოლებში, გასულ წელს კი 112 გვყავდა“, – ამბობს ედუარდ გოგრაჭაძე, შუახევის რესურსცენტრის ხელმძღვანელი.
რაც შეეხება ქედის მუნიციპალიტეტს, აქ ოთხ საჯარო სკოლაში არ ეყოლებათ პირველკლასელი.
ეს საჯარო სკოლებია:
- სოფელ ძენწმანის
- სოფელ ბზუბზუს
- სოფელ ჯალაბაშვილების
გასულ წელს აჭარის მთის 19 სოფელში არ ჰყავდათ პირველკლასელი.
რესურსცენტრის ინფორმაციით, წელს, გასული წლისგან განსხვავებით, ქობულეთის მუნიციპალიტეტის ყველა სკოლას ეყოლება პირველკლასელი.
ამავე თემაზე:
_____________________________________
მთავარი ფოტო: „ბათუმელების“ არქივი.
