ჯონ ჰოპკინსის უნივერსიტეტის ცნობით, 7 სექტემბრის მონაცემებით, მსოფლიოში სულ დადასტურებულია კორონავირუსის 27 114 051 შემთხვევა. კორონავირუსის პანდემიის აფეთქების ცენტრია აშშ-ი, ინდოეთი, ბრაზილია, რუსეთი და პერუ.
ბოლო დღეებში კორონავირუსის გავრცელების მაჩვენებელი გაიზარდა ინდოეთში, ქვეყანა უკვე მეორე ადგილზეა მსოფლიოში კორონავირუსის გავრცელებით, აშშ-ის შემდეგ. ინდოეთში დადასტურებულია კორონავირუსის 4 204 613 შემთხვევა.
7 სექტემბრის მდგომარეობით, მსოფლიოში კორონავირუსის პანდემიის შედეგად 883 529 ადამიანი გარდაიცვალა. ყველაზე მეტი – 188 941 ადამიანი Covid19-ის დიაგნოზით გარდაიცვალა ამერიკის შეერთებულ შტატებში, 126 650 – ბრაზილიაში, 71 642 კი – ინდოეთში.
პანდემიის დაწყებიდან, 2020 წლის იანვრიდან დღემდე, კორონავირუსისგან განიკურნა 18 139 392 ადამიანი.
____________
ფოტო: ევროპის პრესფოტო სააგენტო. EPA/FEHIM DEMIR