მთავარი,სიახლეები

ქურდობის მაჩვენებელი 19 %-ით შემცირდა, ყაჩაღობის – 48 %-ით – შსს

06.09.2020 • 1104
ქურდობის მაჩვენებელი 19 %-ით შემცირდა, ყაჩაღობის – 48 %-ით – შსს

ქურდობის მაჩვენებელი გასულ წელთან შედარებით 19.06 %-ით შემცირდა. შინაგან საქმეთა სამინისტროს ოფიციალური სტატისტიკის მიხედვით, წელს იანვრიდან ივლისის ჩათვლით ქურდობის 10 121 ფაქტი დაფიქსირდა, გასული წლის ანალოგიურ პერიოდში – 12 505.

შს სამინისტროს მონაცემების მიხედვით, წელს ჩადენილი ქურდობის შემთხვევებიდან 2270 საქმე გახსნილია. გახსნის მაჩვენებელი – 22.43 პროცენტია.

შინაგან საქმეთა სამინისტროს სტატისტიკის მიხედვით, წელს შემცირდა ძარცვისა და ყაჩაღობის მუხლით ჩადენილ დანაშაულთა მაჩვენებელიც. იანვრიდან ივლისის ჩათვლით ქვეყნის მასშტაბით 157 ძარცვის შემთხვევა გვქონდა [2019 წელს ანალოგიურ პერიოდში – 215], ყაჩაღობის – 74 [2019 წელს – 144]. გასულ წელთან შედარებით ძარცვის მაჩვენებელი გასული წლის ანალოგიურ პერიოდთან შედარებით 26 %-ით შემცირდა, ყაჩაღობის – 48.61 %-ით.

გადაბეჭდვის წესი


ასევე: