Batumelebi | შუახევში ავტოავარიით 3 ადამიანი დაიღუპა – მანქანა 100 მეტრის სიმაღლიდან გადავარდა შუახევში ავტოავარიით 3 ადამიანი დაიღუპა – მანქანა 100 მეტრის სიმაღლიდან გადავარდა – Batumelebi
RU | GE  

შუახევში ავტოავარიით 3 ადამიანი დაიღუპა – მანქანა 100 მეტრის სიმაღლიდან გადავარდა

შინაგან საქმეთა სამინისტროს ცნობით, აჭარაში, შუახევის მუნიციპალიტეტში, სოფელ ხაბელაშვილებთან ავტოსაგზაო შემთხვევის შედეგად 3 ადამიანი დაიღუპა.

შს სამინისტროს ცნობით, გზაზე მოძრავი ავტომანქანა, სავარაუდოდ, მოცურდა და გზის სავალი ნაწილიდან ხევში, დაახლოებით 100 მეტრის სიმაღლიდან გადავარდა. მომხდარის შედეგად 3 ადამიანი დაიღუპა, 2 კი – დაშავდა.

შს სამინისტროს ცნობით, გარდაცვლილთა შორის 2 პირი შინაგან საქმეთა სამინისტროს საგანგებო სიტუაციების მართვის სამსახურის თანამშრომელია.

სამინისტრო იუწყება, რომ დაშავებულები მაშველებმა უსაფრთხო ადგილზე მალევე გამოიყვანეს, რის შემდეგაც სასწრაფო სამედიცინო დახმარების ჯგუფებმა სამკურნალო დაწესებულებაში გადაიყვანეს. სამინისტროს ცნობით, ბოლო ინფორმაციით, მათ სიცოცხლეს საფრთხე აღარ ემუქრება.

ფაქტზე გამოძიება საქართველოს სისხლის სამართლის კოდექსის 276-ე მუხლით დაიწყო.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com