მთავარი,სიახლეები

3 ათასზე მეტ მოქალაქეს აჭარაში გუშინ უფასო PCR ტესტი ჩაუტარეს კორონავირუსზე

03.09.2020 • 1169
3 ათასზე მეტ მოქალაქეს აჭარაში გუშინ უფასო PCR ტესტი ჩაუტარეს კორონავირუსზე

აჭარის ჯანდაცვის სამინისტროს ინფორმაციით, გუშინ, 2 სექტემბერს, უფასო PCR ტესტისთვის ბათუმსა და ქობულეთში საგანგებოდ მოწყობილ კარვებს მიმართა ჯამში 1494-მა მოქალაქემ, აქედან ბათუმში – 1443-მა მოქალაქემ, ხოლო ქობულეთში –  51 -მა.

უფასო PCR ტესტირება ხდება ბათუმის ხუთ პოლიკლინიკაში. ბოლო 24 საათში პოლიკლინიკებს მიმართა 642-მა პირმა.

აჭარის ჯანდაცვის სამინისტროს ინფორმაციით, ღია კაფე-ბარებში, ბუნგალოებსა და ღამის კლუბებში ტესტი ჩაუტარდა 79 დასაქმებულს. 924 ნიმუში იქნა აღებული ჩაქვში, სასტუმრო „ოაზისში“.

სამინისტროს ცნობით, პირველ სექტემბერს კარვებში აღებული 600 ნიმუშის კვლევა ჯერ არ დასრულებულა.

საქართველოს პრემიერ-მინისტრის, გიორგი გახარიას განცხადებით, გუშინ, 2 სექტემბერს საქართველოში 7186 PCR ტესტი აიღეს. ბოლო 24 საათში ქვეყანაში კორონავირუსის 20 ახალი შემთხვევა გამოვლინდა, მათ შორის, 6 ბათუმში.

 

გადაბეჭდვის წესი


ასევე: