Batumelebi | თურქეთში სამუშაოდ წასვლაზე ნებართვა 2316-მა ადამიანმა მიიღო – 25 აგვისტოს მონაცემი თურქეთში სამუშაოდ წასვლაზე ნებართვა 2316-მა ადამიანმა მიიღო – 25 აგვისტოს მონაცემი – Batumelebi
RU | GE  

თურქეთში სამუშაოდ წასვლაზე ნებართვა 2316-მა ადამიანმა მიიღო – 25 აგვისტოს მონაცემი

„ჩაის კრეფის მეორე სეზონი უკვე დასრულდა, ახლა ველოდებით მესამეს დაწყებას რამდენიმე დღეში. იმედი მაქვს, ამ დროისთვის მაინც ჩამოვლენ ქართველები,“ – გვითხრა ერჰან ქოსიოღლუმ. იგი თურქეთში, სოფელ დემირისარიში ცხოვრობს და ჩაის პლანტაციები აქვს. ერჰანის თქმით, ჩაი ძირითადად სინეგალიდან, ავღანეთიდან და უზბეკეთიდან თურქეთში ჩასულმა მიგრანტებმა დაკრიფეს, თუმცა მას მეზობლები დაეხმარნენ.

„გავიგე, რომ რამდენიმე ქართველი უკვე ჩამოსულა სამუშაოდ. მეც მოსაწვევი გავუგზავნე იმ ბიჭებს, ვინც მე მეხმარებოდნენ და ველოდები,“ – დასძინა ერჰანმა.

თურქეთში სამუშაოდ წასვლა აჭარიდან 25 აგვისტოს ჩათვლით 1333-მა ადამიანმა მოახერხა. ამ დრომდე თურქეთში სამუშაოდ წასვლისთვის რეგისტრაცია აჭარის რეგიონში მცხოვრებმა 3194-მა ადამიანმა გაიარა.

აჭარის დასაქმების სააგენტოს ინფორმაციით, დადებითი პასუხი მიიღო 2316-მა პირმა. სააგენტოს ჯერ არ შეუსწავლია 373 განაცხადი, რომელიც მოქალაქეებმა გუშინ, 25 აგვისტოს, შეავსეს. რეგისტრაციის გავლა არ ნიშნავს იმას, რომ საზღვრის კვეთას მოქალაქე უპრობლემოდ შეძლებს. საზღვარზე შესაბამისი უწყებები თავად წყვეტენ, აქვს ამ მოქალაქეს საზღვრის გადაკვეთის უფლება თუ არა.

თურქეთში სამუშაოდ წამსვლელი რეგისტრირდება სპეციალურ სისტემაში. დასარეგისტრირებლად გადადით ამ ბმულზე]

თემურ კახიძე, აჭარის დასაქმების სააგენტოს ხელმძღვანელი ყურადღებას ამახვილებს მოქალაქეების სხვადასხვა ჯგუფზე, რომლებიც მოქალაქეებს რეგისტრაციის გავლაში დახმარებას სთავაზობენ ფულის მიღების სანაცვლოდ. თემურ კახიძე ამბობს, რომ მოქალაქეებს დასაქმების სააგენტოში კონსულტაციასაც გაუწევენ და რეგისტრაციის გავლაშიც უფასოდ ეხმარებიან.

ნეტგაზეთის მასალების სხვა გამოცემებში გადაბეჭდვის წესი
ავტორი