ბოლო 24 საათის განმავლობაში აჭარაში კორონავირუსის 2 ახალი შემთხვევა დადასტურდა.
აჭარის ჯანდაცვის სამინისტროს ინფორმაციით, Covid19-ის ერთი ახალი შემთხვევა ქობულეთის ე.წ. “ჰავანას” კონტაქტია, ხოლო მეორე ინფიცირებული თურქეთის რესპუბლიკის მოქალაქე, საერთაშორისო გადაზიდვების მძღოლია, რომელიც მკურნალობის გასაგრძელებლად თურქეთში დაბრუნდა.
ბოლო 24 საათში აჭარაში ჩატარდა 776 ლაბორატორიული კვლევა კორონავირუსზე.
აჭარის ჯანდაცვის სამინისტროს ინფორმაციით, ამჟამად ბათუმის რესპუბლიკურ საავადმყოფოში მკურნალობს 29 პაციენტი. ბათუმიდან სხვა კლინიკებში სამკურნალოდ გადავიდა ორი პაციენტი. ერთი პაციენტი – მცხეთაში, მეორე კი – თბილისში, რადგან პაციენტები აღნიშნული ქალაქების მკვიდრნი არიან.
ბოლო 24 საათში ბათუმში კორონავირუსისგან გამოჯანმრთელდა და კლინიკა დატოვა ორმა პაციენტმა.
_____________
NCDC- აჭარის სამმართველოს სამედიცინო პერსონალი ლაბორატორიაში. წყარო: nplg.gov.ge
