Batumelebi | სახელმწიფო წლის ან სემესტრის სწავლის საფასურს დაუფარავს 33 ათასზე მეტ სტუდენტს სახელმწიფო წლის ან სემესტრის სწავლის საფასურს დაუფარავს 33 ათასზე მეტ სტუდენტს – Batumelebi
RU | GE  

სახელმწიფო წლის ან სემესტრის სწავლის საფასურს დაუფარავს 33 ათასზე მეტ სტუდენტს

სტუდენტებს, რომელთა სოციალური სარეიტინგო ქულა 150 000-მდეა, სახელმწიფო ერთი სემესტრის სწავლის საფასურს დაუფარავს.

გარდა ამისა, 150 000 სარეიტინგო ქულის მქონე პირებს, რომელთაც სწავლის საფასურის გადაუხდელობის გამო სტუდენტის სტატუსი შეჩერებული აქვთ, სახელმწიფო 2020-2021 სასწავლო წლის საფასურს აუნაზღაურებს.

„ყველა სტუდენტი, რომელიც არის სოციალურად 150 000 ქულამდე, სახელმწიფოს მხრიდან მიიღებს 2020-2021 სასწავლო წლის ერთი სემესტრის ანაზღაურებას.

გარდა ამისა, ყველა სტუდენტს, 150 000 სოციალურ ქულამდე, რომლებსაც შეჩერებული აქვთ სტუდენტის სტატუსი სწავლის საფასურის გადაუხდელობის გამო, მათაც სახელმწიფო დაუკომპენსირებს 1 წლის, 2020-2021 წლის სწავლის საფასურს – 1225 ლარს”, – განაცხადა პრემიერ-მინისტრმა გიორგი გახარიამ დღეს, 6 აგვისტოს.

მისი თქმით, ამ შეღავათებით 33 000-ზე მეტი სტუდენტი ისარგებლებს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.